Sharlon Webster, nasé na Curaçao, un kantante antusiamá, ku un aparensia enorme y talento International, gustá pa grandi y chiki.

Sin duda por wordu remarka ku Sharlon for di su 6 anja kaba, tabatin talento musikal Na edad di 10 aña e tabata imita artistanan manera: Percy Sledge, Freddy Fender, The Manhattens, Otis Redding, Johnny Matis, etc.

No ta nada stranjo ku Sharlon a skohe un carera musikal, komo kasi henter su famia ta den farandula.

Su mama a kanta anjanan largu den un grupo religioso, su tionan Edgar i Humphrey ta kantando ainda, su prima Cinthia Cijntje, ta konosí na Curaçao pa su interpretashon di Ranchera y su dos primunan na Amsterdam ku ta debutando den e grupo THC, tur kos tokante e grupo aki bo por lesa y skucha riba nan website www.thcrecordz.nl.

Awor den famia tin un otro talento lantando, Fabianney Lourens.
Sharlon ta desea su prima tur klase di exito.

Despues di hopi aktuashonnan na Hulanda, Sharlon a pone na anja 1994, su prome CD riba merkado, ku titulo "Darling I want you", un eksito rotundo, ku resultado un turneo den Caribe. E turneo eksitoso aki, a dura un anja, den kual Sharlon a aktua na diferente hotel y casinonan.

Final di 1996 den garra di "Pashon" un segundo CD, tambe un eksito rotundo ku a resulta den un skor halto na kuminsamentu di 1997, 12 siman tras di otro nummer uno den top 40 na Antillas.

E pueblo di Curacao y Aruba, por a mira Sharlon su aktuashonnan durante e preprogramma di Rasti Rostelli Shows ku e tabata presentá.
Banda di esaki, e tabata multiple bes na televishon, durante su aktuashonnan,
intervistanan y durante e famoso videoclip Pashon.

Final 1998 e di tercer CD a subi merkado ku titulo "Mas Serka Bo", un album yen di eksito y puntonan halto, manera Tashka Cijntje komo invitado,

Despues di un ausensia basta largu, Sharlon, a desidí di trese un CD nobo riba merkado. E biahe aki, lo ta algo kompletamente diferente di loke bo ta kustumá di dje. E CD nobo aki lo ta konsisti salsa y bachatas na Papiamento y spanjo.

Sharlon a skohe pa saka dos album den su lenga materna, esta papiamentu, komo e ta di opinion, ku e no por lubida su pasado y di e manera aki, laga su propio pueblo gosa di su famoso talento.

Natural Sharlon ta gradici su logronan na su promotor i productor Celsio Calmes i Marcel Lee di Conga Music, hendenan ku semper a sostene y lo sigui hasi esaki tambe. Tampoko por lubida Jerry Themen di Jeth Studio na Rotterdam.

Sharlon semper a skohe pa e mehor kalidat, loke bo por ripara den su kanto, su presentashon y e suporte di su aktuashonnan.